جموں وکشمیر یونین ٹریٹری انتظامیہ نے پیر کے روز بلیک فنگس یا میکورمائکوسس کو وبائی امراض ایکٹ- 1897 کے تحت ایک وبا قرار دیا ہے۔
جموں و کشمیر کے محکمہ صحت اور میڈیکل ایجوکیشن نے بلیک فنگس کو وبائی بیماری قرار دینے کا نوٹیفکیشن جاری کیا۔
یہ فیصلہ اس وقت سامنے آیا ہے جب بھارتی حکومت نے ریاستوں اور مرکزی زیر انتظام علاقوں کو ہدایت دی تھی کہ بلیک فنگس کو وبا قرار دیئے جانے پر غور کیا جائے۔
جموں وکشمیر میں بلیک فنگس کی وجہ سے پہلی موت جمعہ کے روز گورنمنٹ میڈیکل کالج اینڈ اسپتال، جموں میں پیش آئی۔
گورنمنٹ ڈینٹل کالج سری نگر، جی ڈی سی سری نگر، اورل اینڈ میکسیلوفیسیل سرجری کے عہدیداروں کے مطابق نومبر 2020 میں ادارے میں میوکرمائکوسس کا ایک کیس پیش آیا تھا جس کا کامیابی کے ساتھ علاج کیا گیا۔ امسال اور ایک اور مشتبہ کیس وہاں داخل کیا گیا تھا۔
