پلوامہ:عوام کو درپیش مشکلات کے ازالے کے سلسلے میں بی جے پی یونٹ پلوامہ نے گاؤں چلو ابھیان شروع کیا۔اس کے تحت بی جے پی لیڈران دور دراز علاقوں میں جا کر عوام کے درپیش مشکلات کے بارے میں جانکاری حاصل کرتے ہیں۔ان مسائل کو حکام تک پہنچانے کی کوشش کر رہے ہیں تاکہ عوام کو درپیش مسائل کا حل کیا جاسکے ۔ساتھ ہی سرکار کی جانب سے چلائی جانے والی اسکیموں کو عام لوگوں تک پہنچانے کا سلسلہ بھی اس پروگرام کے تحت انجام دیا جاتا۔
اس سلسلے آج بی جے پی ضلع صدر محمد لطیف بٹ اور حلقہ صدر راجپورہ سعید اسرار کی قیادت میں بی جے پی یونٹ نے ضلع پلوامہ کے دور دراز علاقوں جن میں ابھامہ، نچن دجن اور دراکلران شامل ہے ۔ان کا دورِ کیا جہاں انہوں نے عوام لوگوں سے بات کی اور عوام مشکلات کے بارے میں جانکاری حاصل کی وہی انہوں نے سرکاری اسکیموں کے بارے میں جانکاری حاصل کی۔
اس موقع پر مقامی لوگوں نے بجلی ،پانی ،سڑک رابط جیسے مسائل کو اجاگر کیا جن کو حل کرنے کی اپیل کی گئی اس موقع پر ضلع صدر نے مقامی لوگوں کو یقین دلایا کہ ان کے سبھی مسائل کو حل کرنے کی کوشش کی جائے گی۔
اس سلسلے میں عبدالعزیز گورسی نے بات کرتے ہوئے کہا کہ آج تک ہمارے علاقے کو نظر انداز کیا گیا اور پہلی مرتبہ یہاں پر کوئی سیاسی جماعت نے قدیم رکھا ہیں۔انہوں نے کہا کہ ہمیں امید ہے کہ ہمارے سارے مسائل حل ہوگے اور جو بھی سرکاری کی جانب سے اسکیم چلائی جارہی اس سے ہم بھی مستفید ہوجائے گئی۔
اس سلسلے میں حلقہ صدر راجپورہ سعید اسرار نے بات کرتے ہوئے کہا کہ بی جے پی یونٹ پلوامہ نے گاؤں چلو ابھیان اس لئے شروع کیا ہے تاکہ ہم عوام کے مسائل جانسکے اور ان کو حل کرنے کی کوشش کریں۔
یہ بھی پڑھیں:گاندربل: بونیزیل کا واٹر فلٹریشن پلانٹ پانچ سال گزرنے کے باوجود تکمیل کا منتظر
اس سلسلے میں ضلع صدر محمد لطیف بٹ نے بات کرتے ہوئے کہا کہ ان دور دراز علاقوں میں رہنے والے لوگوں کو کافی مشکلاتوں کا سامنا کرنا پڑتا ہے جن میں بجلی پانی سڑک رابطہ وغیرہ شامل ہیں۔ ان ہی مشکلات کا ازالہ کرنے کے لئے ہم یہاں پر آئے ہے تاکہ عوام کو راحت ملے۔انہوں نے انتظامیہ سے اپیل کی کہ ان کے کے سی سی قرضہ جات پر رعایت دی جائے۔
