ویری ناگ میں 19 سالہ موٹرسائیکل سوار سڑک حادثہ میں ہلاک

جنوبی کشمیر کے ضلع اننت ناگ کے علاقے ویری ناگ میں بدھ کے روز ایک 19 سالہ موٹرسائیکل سوار سڑک حادثہ میں ہلاک ہو گیا۔

مقامی لوگوں کے مطابق موٹرسائیکل زیر نمبر (jk02bt -9895) اور ٹپر زیر نمبر JK13 A 9311 کے درمیان سڑک حادثہ میں ایک موٹر سائیکل سوار ہلاک ہو گیا۔

حادثہ بدھ کی صبح اننت ناگ ضلع کے ویری ناگ کے پولیا گاؤں میں ہوا۔

اگرچہ موٹر سیکل سوار کو فوری طور پر پی ایچ سی ویری ناگ منتقل کیا گیا جہاں ڈاکٹروں نے اسے مردہ قرار دیا۔

موٹر سائیکل سوار کی شناخت شکیل الرحمٰن ولد محمد رمضان رہائشی واوتارو نڈورا ڈورو کے نام سے ہوئی ہے۔پولیس نے مقدمہ درج کر کے مزید تفتیش شروع کر دی ہے۔