بابا غلام شاہ بادشاہ یونیورسٹی (بی جی ایس بی یو) راجوری نے اٹل رینکنگ آف انسٹی ٹیشنز آن انوویشن اچیومینٹس (اے آر آئی آئی اے) -2020 میں حکومت اور سرکاری مددگار یونیورسٹیز کے زمرے میں 'بینڈ اے' حاصل کیا ہے۔
سرکاری بیان میں کہا گیا ہے کہ بی جی ایس بی یو کو ان یونیورسٹیز میں شامل کیا گیا ہے جنہوں نے اٹل رینکنگ میں مختلف زمروں کے تحت 6 سے 25 ویں پوزیشن حاصل کی ہے۔
نائب صدر ایم وینکیا نائیڈو کےنے نئی دہلی میں منعقدہ ایک ورچوئل تقریب میں رینکنگز کا اعلان کیا تھا۔
بی جی ایس بی یو کے سبکدوش ہونے والے وائس چانسلر پروفیسر جاوید مسرت نے اس اعلان کو کامیابی قرار دیا ہے۔ انہوں نے رینکنگز میں اعلی پوزیشن حاصل کرنے پر یونیورسٹی کے تدریسی و نان ٹیچنگ اسٹاف، طلباء اور سکالرز کو مبارکباد پیش کی۔
پروفیسر جاوید مسرت نے کہا کہ ' یہ ہم سب کے لیے بہت بڑی کامیابی ہے کیونکہ ہماری یونیورسٹی کو رینکنگز میں بینڈ اے میں درجہ دیا گیا ہے۔ ہم کوشش کریں گے کہ بہتر رینکنگ حاصل کرنے کے ل بی جی ایس بی یو کو عمدہ مثال کے طور پر بنایا جائے۔
اے آر آئی اے منظم طریقے سے تعلیمی اداروں اور یونیورسٹیز کو جدت سے متعلق اشارے پر درجہ دیتا ہے۔ اے آر آئی اے تمام بڑے اشارے پر غور کرتا ہے جو عالمی سطح پر دنیا کے بیشتر جدید تعلیمی اداروں اور یونیورسٹیوں کی درجہ بندی کے لئے استعمال ہوتے ہیں۔
