بانڈی پورہ ڈی سی نے کئی ریڈ زون علاقوں کا دورہ کیا

ڈپٹی کمشنر بانڈی پورہ رویندر کمار نے آج ضلع بانڈی پورہ کے متعدد علاقوں کا دورہ کیا تاکہ پابندیوں اور لاک ڈاؤن کے نفاذ کے بارے میں جائزہ لیا جاسکے۔

انہوں نے ریڈ زون والے علاقوں کا بھی دورہ کیا جس میں ٹاؤن علاقے کے وارڈ نمبر پانچ اور چھ کے علاوہ اہم شریف، اور بونہ کوٹ شامل ہیں۔

انہوں نے کووڈ 19 سے متعلق کئی مراکز کا بھی جائزہ لیا۔

انہوں نے اپنے دورے کی تفصیلات دیتے ہوئے کہا کہ ضلع میں نمونے لینے اور آئیسولیشن کے لیے 1490 بستر دستیاب ہیں، بہتری کے لئے 700 جبکہ کووڈ 19 فیز سیکنڈ کے مریضوں کے لئے 250 بستر دستیاب ہیں۔

ڈی سی نے متعلقہ افراد کو ہدایت دی کہ وہ ان علاقوں میں مکمل طور پر لاک ڈاؤن کو یقینی بنائے اور کسی بھی قسم کی اندرونی یا بیرونی نقل و حرکت کی اجازت نہ دی جانی چاہئے۔

انہوں نے لوگوں کو کووڈ 19 سے بچنے کے اصولوں پر چلنے کی تاکید بھی کی تاکہ کورونا وائرس کے انفیکشن کے پھیلاؤ پر قابو پانے میں انتظامیہ کومدد مل سکے۔