پونچھ:مرکز کے زیر انتظام یوٹی جموں و کشمیر کے ضلع پونچھ کے لورن میں آسرا چیریٹیبل ٹرسٹ کے زیر اہتمام ہائیر سیکنڈری سکول لورن میں ایک پروگرام کا انعقاد کیا گیا۔ پروگرام میں ہائیر سکینڈری اسکول لورن کے دیگر عملہ کے ساتھ ساتھ مختلف سرکاری اداروں کے طلبہ وطالبات بھی شامل ہوئے۔ یاد رہے منعقدہ پروگرام کا اہم مقصد تعلیمی میدان میں بہترین کارکردگی کا مظاہرہ کرنے والے بچوں میں نیٹ کی کتابیں تقسیم کرنا تھا۔ دورانِ پروگرام علاقہ کے معززین نے آسرا چیریٹیبل ٹرسٹ کے بانی ایس ایس پی ریاض احمد تانترے کے اس اقدام کی سرہانہ کرتے ہوئے ان کے تئیں نیک خواہشات کا اظہار کیا ہے۔
اس حوالے سے آسرا چیریٹیبل ٹرسٹ کے صدر ایس ایس پی ریاض احمد تانترے نے بتایا کہ آسرا چیریٹیبل ٹرسٹ ایک غیر سیاسی اور غیر سرکاری تنظیم ہے۔ جس کا اہم مقصد تعلیمی و طبی نظام میں بہتری لانا ہے۔ انہوں نے کہا کہ آسرا چیریٹیبل ٹرسٹ کے زیر اہتمام جہاں کئی غریب طبقہ سے تعلق رکھنے والے بچوں کو بنیادی سہولیات فراہم کی جاتی ہیں۔
یہ بھی پڑھیں:National Ayurveda Day ڈوڈہ میں آٹھواں قومی آیوروید ڈے منایا گیا
جس کو دیکھتے ہوئے سرینگر کے دو بہترین جن میں "کشمیر انسٹی ٹیوٹ آف ایکسی لینس" اور "ای مشن" کوچنگ اداروں سے "نیٹ" کے 2022-23 کا وہی تازہ سلیبس میٹریل بچوں میں تقسیم کیا گیا ہے۔ تاکہ طلباء با آسانی یہیں "نیٹ" کی تیاریاں کرسکیں۔
