جموں و کشمیر انتظامیہ نے عاشورہ تعطیل سے متعلق ایک حکمنامہ جاری کیا ہے جس کے مطابق جموں و کشمیر کے سرکاری دفاتر اور تعلیمی اداروں میں عاشورہ کی چھٹی 29 اگست 2020 کے بجائے 30 اگست یعنی اتوار کو ہوگی۔
واضح رہے کہ ماہِ محرم کے دوران کسی بھی طرح کے ناخوشگوار واقعات پیش نہ آئیں، اس لیے حکام نے سرینگر کے لال چوک اور اس سے ملحقہ علاقوں کے تجارتی مراکز میں سخت پابندیاں عائد کر دی ہیں۔
وادیٔ کشمیر میں انتظامیہ نے 8 اور 10 محرم کے پیشِ نظر تمام اضلاع میں سخت بندشیں نافذ کی ہیں جس دوران اضافی سکیورٹی اہلکاروں کی تعیناتی کے علاوہ سڑکوں کو سیل کیا گیا ہے۔
