فوج عوام کی سہولیات کے لیے پیش پیش

جموں و کشمیر کے ضلع اننت ناگ کے کھندرو علاقے میں آپریشن سدبھاونا کے تحت منعقدہ پروگرام میں شرکت کے بعد بریگیڈئر امت راو نے کہا کہ فوج عوام کے تحفظ کی ہر ممکنہ کوشش کر رہی ہے۔

فوج کی 127 لائٹ ائیر ڈیفینس کے کمانڈر بریگیڈئر امت راو نے کہا ہے کہ فوج دیہی علاقوں میں رہائش پزیر لوگوں کی فلاح و بہبود کے لیے ہر ممکنہ اقدام کر رہی ہے۔

اس موقعہ پر ایک مقامی اسکول کے طالب علموں میں اسٹیشنری و دیگرسامان تقسیم کیا گیا۔

بعد میں فوج کی جانب سے کھندرو میں ہی لوگوں کے لیے ایک مفت طبی کیمپ کا انعقاد کیا جس میں علاقے کے لوگوں کی ایک بڑی تعداد نے شرکت کی۔

اس دوران فوجی اور سیول ڈاکٹروں نے مریضوں کی طبی جانچ کی اور ان میں مفت ادویات بھی تقسیم کی گئ۔