اس سال کووڈ-19 وبا کی وجہ سے امرناتھ یاترا نہیں ہو گی۔ تاہم عقیدت مندوں کے لیے "آرتی" کی آن لائن سہولت فراہم کی جائے گی۔
اس فیصلے کا اعلان جموں و کشمیر کے لیفٹیننٹ گورنر منوج سنہا نے شرائن بورڈ سے گفتگو کے بعد کیا۔
انہوں نے اس کے بعد ایک ٹویٹ بھی کیا جس میں انہوں نے یاترا کی منسوخی کے بارے میں جانکاری دی۔
امرناتھ یاترا لگاتار تیسری بار منسوخ ہو گئی ہے۔ 2019 میں مرکز نے 5 اگست کو جموں وکشمیر کی خصوصی حیثیت منسوخ کرنے سے قبل یاترا اچانک منسوخ کردی تھی۔ گذشتہ سال بھی یاترا کووڈ 19 کی وبا کی وجہ سے منسوخ کردی گئی تھی۔
یاترا کی رسومات گذشتہ سال کی طرح جنوبی کشمیر کے اننت ناگ ضلع کے امرناتھ گھپا میں منعقد ہوں گی اور عقیدت مندوں کے لئے صبح اور شام براہ راست نشر کی جائیں گی۔
اس سے قبل بتایا جاتا تھا کہ یاترا 28 جون سے شروع ہو کر 28 اگست پر جاری رہے گی۔
یاترا کے لئے یکم اپریل سے شروع ہونے والی رجسٹریشن کووڈ 19 کی دوسری لہر کی وجہ سے 22 اپریل کو معطل کردی گئی تھی۔
یہ بھی پڑھیں: کووڈ کی دوسری لہر سے امرناتھ یاترا کے لئے اندراج معطل
