انہوں نے کہا کہ مقامی لوگوں کی جانب سے امرناتھ یاترا کے دوران یاتریوں کو مکمل تعاون فراہم کرنے سے دنیا تک یہی پیغام جاتا ہے کہ کشمیر میں کشمیریت قائم و دائم ہے۔
ضلع اننت ناگ کے پہلگام نُن ون بیس کیمپ میں ایک لنگر کا افتتاح کرنے کے دوران صوفی یوسف نے ان باتوں کا اظہار کیا۔ جس دوران منتظمین نے لنگر قائم کرنے کے مقصد کو خدمت خلق کا جذبہ قرار دیا۔
اس موقع پر ست گرو ٹرسٹ مہاراج بھونیشور دیوی بھی موجود رہیں۔ جنہوں عقیدت مندوں کو بابا بھولے ناتھ اور امرناتھ یاترا کی اہمیت پر روشنی ڈالی۔
بھونیشور دیوی نے کہا کہ وہ کشمیر میں ہندو مسلم سکھ اتحاد کو دیکھ کر کافی متاثر ہوئیں۔
انہوں نے امرناتھ یاترا کو کشمیر میں ہندو مسلم سکھ اتحاد کا ایک عظیم مثال قرار دیا اور کشمیر کے بارے میں پھیلائی جا رہی غلط افواہوں کو بے بنیاد قرار دیا ۔
'امرناتھ یاترا تمام مذاہب کے مابین اتحاد کا عکاس'
