جموں و کشمیر پولیس نے پیر کے روز ضلع سانبہ کے بڑی برہنما علاقے سے اغوا ہونے والے کمسن طالب علم کو باز یاب کیا ہے، تاہم اس سلسلے میں فی الوقت کوئی گرفتاری عمل میں نہیں آئی ہے۔
پولیس ذرائع نے بتایا کہ پولیس نے بدھ کی صبح اغوا شدہ کمسن طالب علم کو بڑی برہمنا سے بازیاب کیا۔
انہوں نے کہا کہ اس سلسلے میں ابھی تک کوئی گرفتاری عمل میں نہیں لائی گئی ہے تاہم پولیس قصورواروں کو گرفتار کرنے کی کوشش کر رہی ہے۔
آئی جی پولیس جموں منیش کمار سنہا نے اغوا شدہ کمسن طالب علم کی بازیابی کی تصدیق کرتے ہوئے یو این آئی کو فون پر بتایا 'اغوا شدہ طالب علم کو بدھ کی صبح بازیاب کیا گیا'۔
اغوا کاروں نے اغوا شدہ طلاب علم کے والد کو فون کرکے ایک کروڑ روپے کے تاوان کا مطالبہ کیا تھا۔
