کوروناوائرس کے پیش نظر جاری لاک ڈاؤن کے دوران شمالی کشمیر کے ضلع بانڈی پورہ میں پھنسے ہوئے وادی گریز کے رہائشیوں کو اپنے گھروں کو واپس جانے کی اجازت دی گئی۔
ضلع میں پھنسے ہوئے تقریبا 613 مسافروں کو 75 گاڑیوں میں گریز وادی میں اپنے گھروں جانے کی اجازت دی گئی اور آج انہیں وادی گریز کی طرف روانہ کیا گیا۔
اسسٹنٹ کمشنر ریونیو بانڈی پورہ ریاض احمد بیگ نے بتایا کہ پیٹھکوٹ گاؤں کے لال قلہ مورہ میں ڈاکٹروں کی ایک ٹیم نے مسافروں کی اسکریننگ کی۔
انہوں نے کہا کہ ڈاکٹروں سے کلیئرنس ملنے کے بعد ہی مسافروں کو آگے بڑھنے کی اجازت دی گئی اور گاڑیوں کو اپنی منزل تک جانے کی اجازت دینے سے قبل ان کو اچھی طرح جراثئم کش ادویات کا چھڑکاؤ کیا گیا۔
بیگی نے بتایا کہ 75 گاڑیوں میں 613 مسافر یوم اول کے موقع پر گریز پہنچے۔ انہوں نے بتایا کہ وادی گریز کے داخلے کے موقع پر بھی مسافروں کی اسکریننگ کی جائے گی اور انہیں انتظامی یا گھریلو قرینطنہ میں رکھنے کا فیصلہ انتظامیہ اور ڈاکٹروں کی مشاورت سے گوریز میں کیا جائے گا۔
انہوں نے بتایا کہ گاڑیوں کو صبح 5:30 سے 11 بجے کے درمیان جانے کی اجازت ہے اور انہوں نے پھنسے ہوئے مسافروں کو اپنی منزل تک پہنچنے کے لئے لال قلہ مورہ پہنچنے کی اپیل کی۔
واضح رہے کہ اگرچہ اس مہینے کے شروع میں گریز - بانڈی پورہ روڈ کو ٹریفک کے لئے کھول دیا گیا تھا لیکن وادی گوریز میں لوگوں کے داخلے کو کووڈ 19 وبائی بیماری کے درمیان احتیاطی اقدام کے طور پر پابندی عائد کردی گئی تھی۔
