تین مریض اور صحتیاب

شمالی کشمیر کے ضلع بانڈی پورہ میں کوویڈ 19 سے تین متاثرہ مریض اب صحتیاب ہوگئے ہیں-

ضلع بانڈی پورہ کوویڈ 19 سے سب سے زیادہ متاثرہ علاقہ ہے جہاں تین مریضوں کے ٹیسٹ منفی آنے کے بعد انہیں اسپتال سے گھر روانہ کیا گیا ہے تاہم انہیں نگہداشت میں رکھا جائے گا-

خیال رہے کہ اس سے قبل دو اور ایسے ہی مریض صحتیاب ہوگئے تھے اور اس طرح ضلع میں صحتیاب ہونے والے مریضوں کی تعداد پانچ ہوگئی ہے-

ڈی سی بانڈی پورہ شہباز مرزا نے ایک ٹویٹ کے ذریعے اس بات کی تصدیق کی کہ ضلع میں تین کورونا وائرس کے مریض کے ٹیسٹ مثبت پائے گئے تھے تاہم اب ان کے دوسرے ٹیسٹ منفی آئے ہیں اور وہ کافی حد تک صحتیاب ہوگئے-

انہوں نے کہا کہ مذکورہ مریضوں کو اسپتال سے واپس گھر منتقل کیا جائے گا اور وہیں پہ انہیں قرنطینہ میں رکھا جائے گا-

ادھر اس خبر کو ضلع میں خوش خبری سے تعبیر کیا جارہا ہے۔