شمالی کشمیر کے ضلع کپواڑہ کے ہندواڑہ علاقے سے تعلق رکھنے والے ایک 18 سالہ کووڈ 19 مریض کا سرینگر کے ایس ایم ایچ ایس اسپتال میں انتقال ہوگیا ۔
میڈیکل سپرنٹنڈنٹ ایس ایم ایچ ایس ہسپتال ڈاکٹر نذیر چودھری نے کہا کہ' مزکورہ نوجوان کو سر میں شدید چوٹ لگی تھی اور اسے' میڈیکو لیگل کیس" کے طور پر اسپتال میں داخل کیا گیا تھا ۔ آج صبح تین بجے اس کی موت ہوگئی۔'
ڈاکٹر نذیر چودھری نے بتایا کہ مزکورہ نوجوان کو 12 جون کو میڈیکو لیگل کیس سے ہسپتال میں داخل کیا گیا تھا۔ اگلے دن اس کے نمونے کوروناوائرس کی جانچ کے لیے حاصل کیے گیے تھے جس کے بعد اسے کورونا سے مثبت پایا گیا۔
واضح رہے کہ مذکورہ مریض کوڈ 19 کی وجہ سے مرنے والا سب سے کم عمر ہے۔ اس کی موت تک کورونا کا سب سے کم عمر شکار 27 سالہ نوجوان تھا جو شمالی کشمیر کے لولاب علاقہ کا رہائشی تھا ، جس نے اسی اسپتال میں 13 روز قبل اس پیتھوجین سے دم توڑ دیا تھا۔
