اس سلسلے میں موصولہ سرکاری اعداد وشمار کے مطابق ، جموں وکشمیر انتظامیہ کو جموں اور اودھم پور ریلوے اسٹیشنوں پر مختلف ریاستوں اور یو ٹی سے اب تک 67 اسپیشل ٹرینیں موصول ہوئی ہیں۔
اعداد وشمار کے مطابق ، 27 جون سے 28 جون تک صبح قریب 1295 پھنسے ہوئے مسافر لکھن پور کے راستے داخل ہوئے ہیں جبکہ جموں میں 46 ویں دہلی کووڈ اسپیشل ٹرین میں آج 912 مسافر پہنچ گئے ہیں۔ اب تک 46 ٹرینیں مختلف اضلاع سے تعلق رکھنے والے پھنسے ہوئے 38،797 مسافروں کے ساتھ جموں پہنچ چکی ہیں جبکہ 21 خصوصی ٹرینوں میں اب تک 15،696 مسافر اودھم پور پہنچ چکے ہیں۔
