جموں: مرکز کے زیر انتظام یوٹی جموں و کشمیر کے ضلع جموں سمیت مختلف اضلاع میں مہاراجہ ہری سنگھ کے 129 ویں جنم دن کے موقع پر یووا راجپوت سبھا ادھم پور کی جانب سے بائیک ریلی نکالی گئی۔ جس میں راجپوت سبھا سمیت ڈوگرہ برادری اور نوجوانوں نے بڑی تعداد میں شرکت کی۔ اس کے علاوہ جموں و کشمیر کے آخری ڈوگرہ حکمران مہاراجہ ہری سنگھ کے 129 ویں جنم کے موقع پر ریلی میں سیاسی جماعتوں رہنماؤں ستاھ ستاھ نوجوانوں نے بڑی تعداد میں جوش و خروش سے شرکت کی۔
سابق ایم ایل اے اور بی جے پی لیڈر اور ڈوگرہ کرانتی دل کے چیف سرپرست بلونت سنگھ منکوٹیا نے کہا کہ یہ ریلی یووا راجپوت سبھا کی جانب سے نکالی گئی تھی۔ جس میں انہوں نے ڈوگرہ کرانتی دل کے نوجوان بھی شامل ہوئے ہیں۔ منکوٹیا نے کہا کہ آج اگر جموں و کشمیر کے لوگ ہندوستانی شہری ہیں تو یہ صرف مہاراجہ ہری کی وجہ سے ہے۔
یہ بھی پڑھیں: Annual Gangbal yatra In Ganderbal گاندربل میں 15ویں سالانہ گنگبل یاترا کا اہتمام
وہیں آزاد ڈیموکریٹک پروگریسو پارٹی کے جنرل سیکرٹری آر ایس چپ نے مہاراجہ ہری سنگھ کو خارج عقیدت پیش کرتے ہوئے کہا کہ عوام جموں و کشمیر کے بھارت کے ساتھ الحاق کے لیے مہاراجہ کے تعاون کو فراموش نہیں کر سکتی ۔ کیونکہ مہاراجہ پر جموں و کشمیر کو پاکستان کے ساتھ ضم کرنے کے لیے بہت دباؤ تھا۔ لیکن مہاراجہ نے تمام چیزوں کو نظر انداز کرتے ہوئے اپنی دور اندیشی سے جموں و کشمیر کے لوگوں کے مفاد کے لیے جموں و کشمیر کو بھارت کے ساتھ ملا دیا۔
