اطلاعات کے مطابق اس خاتون کے ساتھ بیرون ملک سعودی عرب سے پرواز میں آئے ہوئے افراد کی نشاندہی کرکے یہ بات سامنے آئی ہے کہ یہ خاتونِ جس پرواز میں سفر کررہی تھی، اس پرواز میں جنوبی کشمیر کے ضلع شوپیان کے تقریبا 11 افراد بھی سوار تھے۔
تاہم ضلع انتظامیہ شوپیان نے نشاندہی کرکے ان 11 افراد کے نمونے ٹیسٹ کے لیے بھیج دیے گئے ہیں اور انہیں پرائمری سینٹر ٹکروں کے ایک وارڈ میں رکھا گیا ہے۔
واضح رہے کہ گذشتہ روز سرینگر میں کورونا وائرس کا ایک مثبت معاملہ سامنے آنے کے بعد ضلع انتظامیہ نے 21 طبی ٹیموں کو تشکیل دیا ہے جو کہ گھر گھر جاکر معائنہ کرنے کے علاوہ ڈاٹا جمع کریں گے۔ یہ کارروائی اس علاقے میں شروع کی گئی ہے جہاں متاثرہ شہری رہتا ہے ۔طبی ٹیموں نے 300 میٹر کے دائرے میں گھروں میں رہائش پذیر لوگوں کے بارے میں لازمی جانچ کی۔ ضلع مجسٹریٹ سری نگر ڈاکٹر شاہد اقبال چودھری نے کہا کہ یہ کارروائی عالمی سٹینڈارڈ اوپریٹنگ پروسیچر کے تحت عمل میں لائی گئی ہے تاکہ وائرس کی روک تھام یقینی بن سکے۔
دریں اثنا سرینگر میں کرونا وائرس کے امکانی پھیلاﺅ کی روک تھام کے لئے انتظامیہ میں پورے ضلع میں لوگوں کی نقل وحرکت پر پابندیاں عائد کی ہیں۔ یہ فیصلہ ایک شہری کی سفری تفصیلات اوراُس کا کرونا وائرس ٹیسٹ مثبت آنے کے پیش نظر لیا گیا ہے۔
