خیال رہے کہ گزشتہ روز اس علاقے میں ایک کوروناوائرس سے متاثرہ مریض کی موت واقع ہوگئی جس کے بعد اس کے سبھی لواحقین اور قریبی رشتہ داروں کو قرنطینہ پر رکھا گیا جہاں ان کے ٹیسٹ و دیگر معائنہ کیا گیا۔ تاہم جمعرات کو اس کنبے سے وابستہ گیارہ افراد کا ٹیسٹ مثبت قرار پایا گیا جس سے مذکورہ علاقے کے ساتھ ساتھ پورے ضلع میں سنسنی پھیل گئی-
اس علاقے کو انتظامیہ نے پہلے سے ہی ریڈ زون قرار دیا گیا اور وہاں بندشیں بھی سختی سے عائد کردی گئی ہیں۔
ہلاک ہونے والے کووڈ 19 سے متاثرہ مریض کے لواحقین اور پڑوسیوں کو قرنطینہ میں رکھا گیا تھا اور ان کے نمونے اکٹھے کیے گئے تھے۔ آج چھوٹے بچوں سمیت اس خاندان کے 11 افراد کا مثبت ٹیسٹ سامنے آیا ہے جس سے ضلع بانڈی پورہ میں اس بیماری سے متاثرہ افراد کی تعداد 36 تک پہنچ گئی۔
متعلقہ نوڈل آفیسر شاہنواز بخاری نے ای ٹی وی بھارت کو ان معاملات کی تصدیق کرتے ہوئے بتایا کہ' علاقے میں ایک ہی خاندان کے 11 افراد کا مثبت ٹیسٹ سامنے آیا ہے ہے جن میں 6 خواتین بھی شامل ہیں۔
وہیں اس خبر کے بعد پورے حاجن قصبے میں عام لوگوں میں تشویش کی لہر دوڑ گئی ہے۔
ذرائع نے ای ٹی وی بھارت کو بتایا کہ آج کے تصدیق شدہ 24 کیسز میں سے 12 بانڈی پورہ ضلع کے ہی ہیں اس طرح سے ضلع میں سخت لاک ڈاون کے باجود ہر گزشتہ دن کے ساتھ ساتھ نئے مثبت کیسز میں مسلسل اضافہ ہوتا جارہا ہے-
