شملہ: ہماچل پردیش کے ضلع سولن میں عمارت کی تعمیر کے دوران کل دیر رات ملبہ گرنے سے تین مزدوروں کی موت ہو گئی۔ یہ حادثہ ضلع سولن میں دھرم پور کے سہارڈی میں پیش آیا۔ جب ملبہ گرا اس وقت مزدور وہاں کام کر رہے تھے۔ حادثے میں تین مزدور ملبے تلے دب گئے۔ حادثے کا علم ہوتے ہی جے سی بی کی مدد سے ملبہ ہٹایا گیا، تب تک دو مزدوروں کی موت ہو چکی تھی۔ ان کی لاشیں نکال لی گئی ہیں۔ تیسرے زخمی مزدور نے بھی بعد میں دم توڑ دیا۔ Three labourers killed as wall collapses in solan
اطلاعات کے مطابق یہاں پرائیویٹ اسکول کی عمارت تعمیر کی جا رہی ہے۔ اس عمارت کی تعمیر کے لیےسیٹرنگ لگائی جا رہی ہے۔ اس دوران ہی یہ حادثہ پیش آیا۔سولن کے پولیس سپرنٹنڈنٹ وریندر شرما نے بتایا کہ اس حادثے میں تین لوگوں کی موت کی تصدیق ہوئی ہے۔ ملبے کی زد میں آنے والے تینوں مہاجر مزدور ہیں۔ حادثے کی تحقیقات کی جا رہی ہیں۔ ہماچل کے وزیر صحت راجیو سیزل نے بھی ضلع انتظامیہ کو معاملے کی تحقیقات کا حکم دیا ہے۔
یو این آئی
