نریندر مودی نے ہماچل پردیش کے منڈی میں منعقد تقریب میں 11 ہزار کروڑ روپے سے زیادہ کے پن بجلی پروجیکٹس کا باضابطہ افتتاح اور سنگ بنیاد رکھا۔ Modi Lays Foundation Stone of Renukaji Dam Projects
اس موقع پر مرکزی وزیر انوراگ ٹھاکر اور ریاست کے وزیراعلیٰ جے رام سنگھ بھی موجود تھے۔
اس کے علاوہ نریندر مودی نے پروجیکٹس پر ہماچل میں صنعتی صلاحیتوں پر مرکوز ایک نمائش کا بھی دورہ کیا۔
مودی حکومت نے ہمالیائی خطہ میں ہائیڈرو الیکٹرک صلاحیت کے زیادہ سے زیادہ استعمال کے لیے اسکیموں کو نافذ کرنے کے لیے اقدامات کیے ہیں تاکہ ملک میں موجود وسائل کی غیر استعمال شدہ صلاحیت کو مکمل طور پر استعمال کیا جا سکے۔ان پروجیکٹس کا افتتاح اور دیگر پروجیکٹوں کا سنگ بنیاد رکھنا اس سمت میں ان کا ایک اہم قدم ہے۔
وزیر اعظم نے اس دورے کے دوران 'رینوکاجی ڈیم پروجیکٹ Renukaji Dam Project' کا سنگ بنیاد رکھا جو تقریباً تین دہائیوں سے زیر التوا تھا۔ اس پروجیکٹ کو ممکن بنانے کے لیے مرکزی حکومت نے ہماچل پردیش، اتر پردیش، ہریانہ، راجستھان، اتراکھنڈ اور دہلی کے نام چھ ریاستوں کو اکٹھا کیا ہے۔
چالیس میگاواٹ کا یہ پروجیکٹ تقریباً 7000 کروڑ روپے کی لاگت سے تعمیر کیا جائے گا۔ یہ دہلی کے لیے بہت فائدہ مند ثابت ہوگا۔ اس کے ذریعے دہلی کو ہر سال تقریباً 500 ملین کیوبک میٹر پانی فراہم کیا جا سکے گا۔
