ہماچل پردیش میں شدید بارشوں کی وجہ سے شدید تباہی کی اطلاع ہے۔ ان واقعات میں 19 افراد ہلاک ہو چکے ہیں۔ فی الحال ریاستی حکومت نے ہماچل آنے والے سیاحوں اور عقیدت مندوں سے ریاست کا سفر نہ کرنے کی اپیل کی ہے۔ Heavy rains in Himachal Pradesh
ہماچل پردیش میں گزشتہ 24 گھنٹوں میں شدید بارش ریکارڈ کی گئی ہے۔ شملہ میں بھی موسلا دھار بارش جاری ہے۔ بارش کا سب سے زیادہ اثر کانگڑا، چمبہ، منڈی میں دیکھا جا رہا ہے۔ ریاست میں گزشتہ 24 گھنٹوں کے دوران 30 سے زیادہ سیلاب کی اطلاعات موصول ہوئی ہیں۔ ان میں 19 افراد ہلاک ابتائے جاتے ہیں۔
منڈی میں مکان گرنے سے 7 افراد کے دب جانے کی خبر ہے۔ 2 افراد کی لاشیں نکال لی گئی ہیں۔ کانگڑہ میں انگریزوں کے زمانے کی ریلوے لائن کا چکی پل بھی ٹوٹ گیا ہے۔ چمبہ میں کئی مقامات پر لینڈ سلائیڈنگ کی بھی اطلاعات ہیں۔ ریاست میں 30 سے زیادہ مقامات پر نقصان کی اطلاع ہے۔
مزید پڑھیں:
شدید بارش کے بعد ریاست کی 336 چھوٹی اور بڑی سڑکیں بند کر دی گئی ہیں۔ 1525 ٹرانسفارمر بھی بند پڑے ہیں۔تمام ضلعی انتظامیہ کو ہدایت دی گئی ہے کہ وہ فوری طور پر متاثرہ مقامات پر راحت اور بچاؤ کام شروع کریں۔
ریاستی حکومت نے ہماچل آنے والے سیاحوں اور عقیدت مندوں سے ہماچل میں سفر نہ کرنے کی اپیل کی ہے۔ چمبہ میں انتظامیہ نے پہلے ہی سفر نہ کرنے کی اپیل کی تھی لیکن لوگ خود ہی سفر کر رہے ہیں۔ لینڈ سلائیڈنگ سے 3 افراد کی ہلاکت کی اطلاعات ہیں۔
