پولیس کے مطابق حادثہ آج دوپہر تقریباً ایک بجے ریاست ہماچل پردیش کے چوپال سب ڈویژن کی پنچایت گڈا کے کناہل میں پیش آیا ۔ کچھ لوگ نیروا کی جانب جارہے تھے، اسی وقت اچانک کنہال کے قریب تودہ گرنے سے ملبے کی زد میں آنے سے دوخواتین کی موت ہوگئی۔
حادثے میں چار اور دیگر زخمی ہوگئے۔ زخمیوں کو ابتدائی علاج کے لئے سول ہسپتال نیروا لایا گیا اور وہاںسے آئی جی ایم سی شملہ کے لئے منتقل کردیا گیا ہے۔
مرنے والوں کی شناخت کملادیوی اورشکری دیوی کے طور پر ہوئی ہے۔
کملادیوی چائلڈ ڈویلپمنٹ پروجیکٹ ڈیپارٹمنٹ میں کام کرتی تھی۔
وہیں ڈی ایس پی چوپال راجکمار نے حادثہ کی تصدیق کی ہے۔
تحصیلدار نیروا ارون کمارشرما نے مرنے والوں کے اہل خانہ کو دس ہزار روپے کی فوری راحت اور زخمیوں کو پانچ پانچ ہزار دینے کا اعلان کیا ہے۔
یو این آئی
