عیدالاضحی کے دن مسلم خواتین کے لئے بسوں میں مفت سفر

ہماچل پردیش روڈ ٹرانسپورٹ کارپوریشن (ایچ آر ٹی سی) نے 12اگست کو عیدالاضحی کے دن مسلم خواتین کو اس کی بسوں میں مفت سفر کی سہولت دینے کا فیصلہ کیا ہے۔

ہماچل پردیش کے کارپوریشن کے محکمہ جاتی منیجر پنکج سنگھل نے آج یہاں یہ اطلاع دیتے ہوئے بتایا کہ مسلم خواتین اس سہولت کا فائدہ صبح صادق سے لیکر سورج کے غروب ہونے تک لے سکیں گی۔ اس سہولت کے لئے خواتین کو اپنا شناختی کارڈ دکھانا ہوگا۔

انہوں نے بتایا کہ مسلم خواتین کو یہ سہولت ہندو وں کے تہوار کرواچوتھ اور رکشا بندھن کی طرز پر دی جائے گی۔

عیدالاضحی کے دن مسلم خواتین ریاست کے کسی بھی کونے میں کارپوریشن کی بسوں میں مفت سفر کرسکیں گی۔ حالانکہ ہماچل سے باہر جانے پر انہیں کرایہ دینا ہوگا۔