ہماچل کے راوی ندی میں 2 بھاری کنٹینر بہہ گئے

ریاست ہماچل پردیش کے ضلع چمبا میں شدید بارش کی وجہ سے بجولی ہولی پاور پروجیکٹ کی تعمیر کے کام کو روک دیا گیا۔راوی ندی میں پانی کی سطح بڑھنے کی وجہ سے دو بھاری کنٹینر کو ندی نے اپنی گرفت میں لے لیا۔

شدید بارش کی وجہ سے راوی ندی میں جی ایم آر کمپنی کے زیر تعمیر180 میگاواٹ کی بجولی ہولی پروجیکٹ کی ڈیم سائٹ پر کنٹینر اور دیگر سامان بہہ گئے۔
بارش کی وجہ سے اس پروجیکٹ کو بھی روک دیا گیا۔

وہیں ذیلی تقسیم بھٹیات کے چواڑی میں نوجوانوں نے گاؤشالہ میں پھنسی آدھا درجن گائے کو باحفاظت نکالا۔گاؤشالہ میں پانی بھرنے کی وجہ سے گائے پھنس گئی تھی،جسے نوجوانوں نے پل بناکر گائے کو باہر نکالا گیا۔