چندی گڑھ: کانگریسی جنرل سکریٹری اور سابق مرکزی وزیر کماری سیلجا نے کہا کہ نوح واقعہ کو ریاست کی بی جے پی -جے جے پی اتحاد حکومت ناکامی کا نتیجہ بتاتے ہوئے اس کی ہائی کورٹ کے جج کی نگرانی میں جانچ کرانے کا مطالبہ کیا ہے۔
محترمہ سیلجانے آج یہاںجاری ایک بیان میں کہاکہ اس واقعہ میں سرکاری ایجنسیاں پوری طرح ناکام ثابت ہوئیں۔ انہوں نے دعوی کیا کہ نوح کے اس واقعہ کے بعدبھی حکومت نے فعالیت نہیں دکھائی ۔ اس پورے واقعہ کی جانچ ہائی کورٹ کے جج کی نگرانی میں ہونی چاہئے۔
سابق مرکزی وزیر نے کہاکہ حکومت کے پاس تمام طرح کے انفارمیشن سسٹم اور کئی طرح کے نیٹ ورک ہوتے ہیں ۔ لیکن وہ نوح کے معاملے میں انجان بنی رہی ۔ جب نوح میںفساد ہو گیا تو بھی حکومت کی کی سطح پر کوئی ایسا قدم نہیں اٹھایا گیا، جس سے اسے زیادہ پھیلنے سے روکا جا سکے۔ اسی وجہ سے سوہنااور گڑگاوں میں حالت بگڑنے میں دیر نہیں لگی ۔ انہوں نے لوگوں سے اپیل کرتے ہوئے کہا کہ وہ آپس میں بھائی چارہ بنائے رکھیں۔کسی کے بھی بہکاوے میں نہ آئیں اور مصیبت کے وقت ایک دوسرے کا سہارا بنیں اور مددکریں اور کسی بھی سازش میں نہ پھنسے۔