ہریانہ : دیہی صفائی ملازمین کا احتجاج

ریاست ہریانہ میں دیہی صفائی ملازمین اپنے مطالبات کو لیکر احتجاج کر رہے ہیں۔اس سلسلہ میں وہ نائب وزیر اعلیٰ دشینت چوٹالہ کے نام ایس ڈی نوح کی معرفت میمورنڈم سونپا۔

سرکار کے خلاف نعرے بازی بھی کی گئی۔ دیہی صفائی ملازمین یونین ہریانہ کے صدر دیوی رام نے کہا کہ ہمارا مطالبہ ہے کہ حکومت ہماری تنخواہ ساڑھے 12 ہزار روپئے کرے۔ پی ایف، ای ایس آئی، 10 لاکھ کا انشورنس اور شناختی کارڈ بنائے۔

انہوں نے کہا کہ حکومت وعدہ کر چکی ہے، لیکن ابھی تک وعدہ نبھایا نہیں۔

اس دوران یونین صدر نے کہا کہ اگر مطالبات نہیں مانتی ہے تو 15 مارچ کو نائب وزیر اعلیٰ کے گھر پر ریلی کریں گے اور غیر معینہ ہڑتال بھی کر سکتے ہیں۔