ریاست ہریانہ کے ضلع میوات کے گھاسیڑہ گاؤں کا باشندہ مرسلین اور ناصر کو گڑگاؤں میں بلا کر ماب لنچنگ کا شکار بنایا گیا تھا، اس معاملے میں جمعیت علماء گڑگاؤں نے عدالت میں مرسلین اور ناصر کا بھی مقدمہ لڑنے کا فیصلہ کیا تھا۔عیدالاضحیٰ کے ایک روز قبل ماب لنچنگ کے شکار لقمان کا مقدمہ بھی جمعیت علماء لے رکھا ہے اور اب ناصر اور مرسلین کا مقدمہ بھی جمیت علماء ہی لڑ رہی ہے۔
یہ بھی پڑھیں: '۔۔۔ تو کانگریس کو 50 سال اپوزیشن میں بیٹھنا پڑے گا'
جس کی عدالت میں اب پیروی شروع کردی گئی ہے۔اس بات کی اطلاع جمیعت علماء گڑگاؤں صدر مفتی محمد سلیم بنارسی نے دی ہے۔
انہوں نے بتایا کہ ناصر اور مرسلین کے گھر والوں نے گڑ گاؤں جمیعت کے دفتر پہنچ کر مفتی محمد سلیم بنارسی سے عدالت میں مقدمہ لڑنے کی اجازت دیتے ہوئے کہا کہ ہم تب تک خاموش نہیں بیٹھیں گے جب تک مجرموں کو سخت سزا نہیں مل جاتی۔
مفتی سلیم بنارسی نے مزید کہا کہ ہمیں عدلیہ پر مکمل اعتماد ہے کہ متاثرین کو انصاف ضرور ملے گا۔'
