زرعی قوانین کے خلاف قومی دارالحکومت دہلی کے سرحدوں پر کسانوں کی متعدد تنظیمیں گذشتہ کئی ماہ سے احتجاج کررہی ہیں۔ مذکورہ قوانین کے ایک سال مکمل ہونے پر آج ریاست ہریانہ کے ضلع نوح میں بی جے پی دفتر کے سامنے کسانوں نے احتجاج کیا۔ اور زرعی قوانین کی کاپیاں نذر آتش کیں ۔
واضح رہے کہ ریاست ہریانہ و راجستھان کے سنہیڑا جیراہیڑا سرحد پر گذشتہ پانچ ماہ سے کسانوں کا احتجاج جاری ہے۔ اور آج کسانوں نے زرعی قوانین کے ایک سال مکمل ہونے پر مذکورہ قوانین کی کاپیاں نذر آتش کیں۔
کسان رہنما رشید احمد ایڈووکیٹ نے کہا کہ یہ قوانین کسانوں کے نسلوں اور فصلوں کو برباد کرنے کے لئے بنائی گئی ہیں۔
قانون بننے کے بعد سے ہی زرعی قوانین کے خلاف احتجاج جاری ہے ۔ تاہم حکومت کسانوں کے اس احتجاج نظر انداز کر رہی ہے۔
انہوں نے کہا کہ جب تک یہ تینوں قوانین واپس نہیں لئے جاتے اس وقت تک کسان پیچھے ہٹنے والے نہیں ہیں۔ چاہے اس کے لئے کتنے عرصہ ہی درکار کیوں نہ ہوں۔ انہوں نے کہا کہ انہیں امید ہے کہ ایک دن حکومت کسانوں کے مطالبات تسلیم کرنے پر مجبور ہوگی اس موقع پر مفتی سلیم ساکرس، کسان رہنما محمد آزاد، مبارک اٹیرنا سمیت درجنوں سماجی کارکنان موجود تھے۔
