کھٹر نے مودی سے کسان تحریک پر بات کی

ہریانہ کے وزیراعلیٰ منوہر لال کھٹر نے آج وزیراعظم نریندر مودی سے ملاقات کرکے ہریانہ کے موجودہ سیاسی حالات، کسان تحریک سمیت کئی مسائل پر بات کی۔

نئی دہلی: ہریانہ کے وزیراعلیٰ منوہر لال کھٹر نے جمعرات کو وزیراعظم نریندر مودی سے ان کی رہائش گاہ پر ملاقات کرکے ہریانہ کے موجودہ سیاسی حالات، کسان تحریک سمیت کئی مسائل پر بات کی۔

ہریانہ میں بھارتیہ جنتا پارٹی (بی جے پی) کی اتحاد والی حکومت کے دو سال مکمل ہونے جا رہے ہیں۔ کھٹر نے مودی سے حکومت کے اب تک کے کام کاج اور مستقبل کے منصوبوں سمیت کئی مسائل پر ان سے بات چیت کی۔

قابل ذکر ہے کہ پنجاب کے وزیراعلیٰ کیپٹن امریندر سنگھ گذشتہ ہفتے کے روز ہریانہ کے کرنال میں تحریک چلانے والے کسانوں پر ہوئی لاٹھی چارج کی مذمت کرتے ہوئے کھٹر سے استعفیٰ کا مطالبہ کیا تھا۔

یو این آئی