نوح کے قریب کھیڑلہ گاؤں کے رہائشی مولوی رفیق کی صدارت میں لوگ جمع ہوئے اور وسیم رضوی کے خلاف نعرے بازی شروع کردی۔ لوگوں کا ہجوم دیکھتے ہی دیکھتے جمع ہوگیا اور گاؤں کے لوگوں نے وسیم رضوی کی گرفتاری کا مطالبہ کرتے ہوئے شہیدی پارک سے نوح سیکریٹریٹ تک جلوس نکالا۔
ہریانہ: میوات کے کھڑلہ گاؤں میں وسیم رضوی کے خلاف احتجاج
سیکرٹریٹ میں لوگوں کے ہجوم نے ڈپٹی کمشنر سے ملاقات کی اور انہیں میمورنڈم بھی سونپا۔ اس کے علاوہ وسیم رضوی کے خلاف مذہبی جذبات کو ٹھیس پہنچانے کے لئے ایف آئی آر بھی درج کرائی گئی۔
مولوی رفیق نے بتایا کہ قرآن شریف اللہ کی کتاب ہے اور اس میں کوئی آیت انسانیت کے منافی نہیں ہے۔ قرآن شریف میں کسی بھی طرح کوئی تبدیلی قبول نہیں کی جائے گی۔ اس دوران گاؤں کے مولوی وزیر، مولوی دیندار، کھیڑلہ گاؤں کی عوام اور نوح شہر کے لوگ بھی احتجاج کا حصہ بن گئے۔
