ہریانہ حکومت نے ضلع نوح میں واقع تمام گورنمنٹ ٹیکنیکل انسٹی ٹیوٹ (آئی ٹی آئی) میں داخلہ لینے والی تمام طالبات کو 1000 روپے ماہانہ کے حساب سے مراعات دینے کا فیصلہ کیا ہے۔
ڈپٹی کمشنر کیپٹن شکتی سنگھ نے منگل کو کہا کہ 'یہ ترغیبی رقم صرف اس صورت میں دی جائے گی جب ہر سہ ماہی میں طالب علم کی حاضری کم از کم 80 فیصد ہو اور وہ نوح ضلع کی مستقل رہائشی ہو۔'
یہ بھی پڑھیں: ہریانہ کے بعد راجستھان میں سب سے زیادہ بے روزگاری
یہ ترغیبی رقم طالب علم کو ملنے والے دیگر وظائف اور فوائد کے علاوہ ہوگی اور اسے براہ راست اس کے بینک اکاؤنٹ میں بھیجا جائے گا۔
اسکیم کے اخراجات میوات ڈویلپمنٹ ایجنسی نوح کے فنڈز سے کیے جائیں گے۔ یہ اسکیم اگلے پانچ سالوں کے لیے نافذ ہوگی۔
(یو این آئی)
