گروگرام: ہریانہ میں کورونا مریضوں کی تار دہلی سے منسلک ہونے کی بعد آج ہریانہ حکومت نے دہلی ہریانہ کے تمام سرحد کو سیل کر دیا ہے.اس کے بعد گروگرام دہلی سرحد کو بھی آج صبح دس بجے کے بعد سیل کردیا گیا ہے۔ اب صرف ضروری اشیا فراہم کرنے والی گاڑیو کو ہی سرحد پار کرنے کی اجازت دی جا رہی ہے.
اس تعلق سے گروگرام کے ڈپٹی کمشنر امت کھتری نے آج ایک بیان جاری کرتے ہوئے کہا کہ گروگرام ضلع کی حدود سے دہلی کی جانب کسی کو بھی جانے کی اجازت نہیں ہوگی،ضلع انتظامیہ کی جانب سے کم از کم لوگوں کو سرحد پار کرنے کی اجازت دی جائے گی، اور وہ بھی ضروری ہونے پر۔
وہیں سرحد سیل ہونے کے بعد آج صبح گروگرام، دہلی سرحد پر گاڑیوں کی لمبی قطار لگ گئیں، اس دوران کچھ لوگ پولیس اہلکاروں سے بحث کرتے بھی نظر آئے، لیکن کسی کو بھی گروگرام جانے کی اجازت نہیں دی گئی.حالانکہ گروگرام ڈپٹی کمشنر کی جانب سے جاری احکامات میں یہ بھی کہا گیا ہے کہ کورونا جیسی وبا کو روکنے کے لئے یہ فیصلہ لیا گیا ہے ۔
واضح رہے کہ حکومت ہند اور ہریانہ حکومت کی جن افسران کے پاس موومنٹ پاس ہوں گے وہی سحد پار کر سکیں گے۔ اس کے علاوہ ایمبولینس، اے ٹی ایم کیش وین، ایل پی جی آئل کنٹینرز اور ٹینکر کو بھی اجازت دی گئی ہے.
