دفاعی امور کے ماہر خوشبیر سنگھ دت سے خاص بات چیت

فرانس سے رفائل لڑاکو طیارے کی پہلی کھیپ جس میں 5 لڑاکو طیارے شامل ہیں، وہ بھارت کے لیے روانہ ہوگئے ہیں اور 29 جولائی کو امبالا ایئر بیس کے بیڑے میں شامل ہوں گے۔ ای ٹی وی بھارت کی ٹیم نے ایئر فورس کے ریٹائرڈ سارجنٹ خوشبیر سنگھ دت سے اس بارے میں بات کی اور یہ جانا کہ رفائل لڑاکو طیارے کو بھارتی فضائیہ میں شامل کرنے سے کیا فائدہ ہے۔

دفاعی امور کے ماہر سارجنٹ خوشبیر سنگھ دت نے کہا کہ 'بھارتی فضائیہ کے بیڑے میں ملٹی ٹاسک لڑاکو طیارے میں شامل ہونے سے بھارتی فضائیہ کی صلاحیت میں مزید اضافہ ہوگا۔ سب سے پہلے 'میں آپ کو بتاتا چلوں کہ اب تک پوری دنیا میں صرف فرانس اور مصر کے پاس رفائل لڑاکا طیارے موجود ہیں۔'

امبالا ایئر بیس واحد ایئر بیس ہے جہاں سے چین اور پاکستان کی سرحدوں کو صرف 15 منٹ میں پہنچا جا سکتا ہے اور کسی بھی جنگ کے نتائج کو بدلا جاسکتا ہے۔

انہوں نے کہا کہ 'دشمن طاقتیں ہمیشہ امبالا ایئربیس کو نشانہ بناتی تھیں تاکہ فوج کو ایئر فورس سے کسی بھی قسم کی مدد نہ مل سکے۔'

انہوں نے مزید بتایا کہ گولڈن ایرو ایک ایسا سکارڈین ہے جس نے پہلی جنگ میں بہت سارے قابل ستائش کام کیے ہیں، جس کے نتیجے میں اسے گولڈن ایرو سکارڈین میں شامل کیا گیا ہے۔'