اطلاعات کے مطابق 12 مئی کو کانگریس اور بی جے پی کے درمیان تنازع ہوا، ووٹنگ ختم ہونے کے بعد بی جے پی کے حامی دھرمیندر نے اپنے کزن بھائی راجا کا گولی مار قتل کردیا کیوں کہ اس نے کانگریس پارٹی کو ووٹ دیا تھا۔اس معاملے میں راجا کی والدہ بھی شدید زخمی ہوئی ہیں۔
اسٹیشن ہاؤس آفیسر(ایس ایچ او) جھجر رامیش کمار نے کہا کہ ہمیں سیلانا دیہات کے اس واقعے کی اطلاع پیر کے روز موصول ہوئی۔جب ہم موقع پر پہنچے تب تک ملزم دھرمیندر وہاں سے فرار ہوگیا تھا۔جس بندوق سے گولی ماری گئی وہ غیر قانونی ہے۔ہم نے مقدمہ درج کرلیا ہے۔
راجا کی والدہ نے بتایا کہ پولنگ کے روز دھرمیندر نے راجا کو بی جے پی کو ووٹ دینے کو کہا تھا۔ لیکن راجا نے اس کی بات پر کوئی توجہ نہیں دی۔ جس کے سبب دھرمیندر نے فائرنگ کردی۔ راجا کو پی جی آئی ہسپتال میں داخل کیا گیا جہاں اس کی حالت ابھی مستحکم ہے۔
