دفعہ 144 کے بعد میوات وکاس سبھا نے انتظامیہ کو میمورنڈم سونپا

ریاست ہریانہ کے ضلع نوح میں ضلع انتظامیہ کیا جانب سے دفعہ 144 نافذ کی گئی ہے۔ جس کے بعد شہریت ترمیمی قانون کے خلاف پیدل مارچ میوات وکاس سبھا نے نہیں کیا لیکن ایس ڈی ایم ریگن کمار کی معرفت صدر جمہوریہ کو میمورنڈم سونپا گیا۔

اس موقع پر میوات وکاس سبھا کے سابق صدر عمر محمد پاڈلہ نے کہا کہ ہم نے بنا بھیڑ جمع کیے میمورنڈم سونپا لیکن ضلع انتظامیہ نے دفعہ 144 نافذ کر بزدلی کا ثبوت پیش کیا ہے۔

انہوں نے کہا کہ علاقہ میں تشدد کا کوئی واقعہ پیش نہیں آیا باوجود اس کے دفعہ 144 نافذ کی ہے لیکن ہم نہ تھکیں گے اور نہ جھکیں گے۔مسلسل شہریت ترمیمی قانون کے خلاف اپنا پر امن احتجاج درج کراتے رہیں گے۔

انہوں نے کہا کہ ہم میوات کی دیواروں پر اس کالے قانون کے بارے میں لکھیں گے اور عوام کو بیدار کریں گے۔

انہوں نے مذید کہا کہ ایمرجنسی جب ہوئی تو ملک کی عوام نے وہ بھی ختم کرائی اس آئین کے مخالف قانون کو بھی ختم کرایا جائےگا۔ہمارا احتجاج مکمل پر امن ہی رہے گا۔