ایسے میں کورونا پر قابو پانے کے لیے کئی علاقوں میں ریڈ زون کا اعلان کیا ہے جس کی وجہ سے بڑی تعداد میں لوگوں کو پریشانی کا سامنا کرنا پڑ رہا ہے۔
اس تعلق سے احمدآباد کے سماجی کارکنان نے عوام سے مخصوص اپیل کی ہے۔
سماجی کارکن جنید شیخ نے عوام سے اپیل کرتے ہوے کہا کہ اگر کورونا کو ہرانا ہے تو گھر میں رہنا ضروری ہے باہر بالکل نہ نکلیں، بھیڑ جمع نہ کریں اور لاک ڈاؤن پرسختی سے عمل کریں۔
انھوں نے کہا کہ احمد آباد کے 10 علاقوں کو ریڈ زون قرار دیا گیا جس کی وجہ سے ریڈ زون سے باہر آرینج زور اور گرین زون میں رہنے والے افراد کافی ڈرے ہوئے ہیں کہ اگر یہاں کیسز بڑھ گئے تو اسے بھی ریڈ زون کی لسٹ میں شامل کرلیا جائے گا،
اسی وجہ سے احمدآباد کے گرین زون والے علاقے یعنی جوہا پورا سرخیر، مکتم پورا کے لوگوں نے مقامی لوگوں سے اپیل کی کہ وہ اپنے علاقوں کو چھوڑ کر کسی بھی دوسرے علاقوں میں کسی بھی وجہ سے نہ جائیں نہ ریڈ زون والوں کو اپنے گھر اور اپنے علاقوں میں آنے دیں۔
اس تعلق سے سماجی کارکن انیس دیسائی نے کہا کہ اگر ہم اپنے گھر سے باہر نکلے اور ایک علاقے سے دوسرے علاقوں میں گئے تو ہمارے علاقے میں بھی کورونا بہت تیزی سے پھیل سکتا ہے اور اسے بھی ریڈ زون قرار دے دیا جائے گا اس لیے لاک ڈاؤن اور سرکاری گائیڈ لائن پر عمل کرتے ہوئے گھر میں رہیں محفوظ رہیں۔
