گجرات کے سابق وزیر اعلی شنکر سنگھ واگھیلا کو دو دنوں سے بخار تھا جس کے سبب انہوں نے اپنا کورونا ٹیسٹ کرایا تھا۔ اس کے بعد ان کی کورونا رپورٹ کل شام پازیٹیو آئی ہے۔
وہیں آج صبح شنکر سنگھ واگھیلا کی کورونا رپورٹ پوزیٹیو آنے پر وزیراعظم نریندر مودی نے فون کرکے ان سے ان کی خیریت دریافت کی۔ اور ان کی شفایابی کے لیے دعا کی وزیر اعظم نے شنکر سنگھ واگھیلا کی طبیعت کے بارے میں دیگر سے بھی سے معلومات حاصل کی۔
گجرات میں مسلسل کورونا معاملات بڑھتے جارہے ہیں، جس کی وجہ سے جمعہ کے روز مرکزی محکمہ صحت کی ٹیم نے بھی احمدآباد کا دورہ کیا تھا اور احمدآباد میں کورونا کے معاملوں کا جائزہ لیا تھا۔
سابق وزیر اعلی شنکر سنگھ واگھیلا نے کورونا سے متاثر ہونے کے بعد اپنے آپ کو ہوم کوارنٹین کر لیا ہے۔
واضح رہے کہ گجرات میں اس سے پہلے کانگریس اور بی جے پی کے کئی لیڈران کورونا کی چپیٹ میں آچکے ہیں ایسے میں سابق وزیر اعلی گجرات شنکر سنگھ واگھیلا کے کو کورونا ہونے پر لوگوں کی تشویش میں اضافہ ہو گیا ہے۔
غور طلب ہے کہ شنکر سنگھ والا کورونا کے بڑھتے قہر کے دوران بھی مختلف ریلی و اجلاس کر رہے تھے اور اپنے کارکنان سے بھی ملاقات کر رہے تھے۔
