احمدآباد: ماہ رمضان کا آخری عشرہ کافی خاص ہوتا ہے کیونکہ آخری عشرہ جہنم سے آزادی کا ہے اور اس میں اعتکاف اور شب قدر پوشیدہ ہے۔ اس عشرے میں اعتکاف کیوں ہے خاص اس پر احمدآباد کی قریش مسجد کے امام مفتی محمد ارشد قریشی نے تفصیل سے بتایا کہ ماہ رمضان کو تین حصوں میں تقسیم کیا گیا ہے، جس میں رمضان المبارک کا پہلا عشرہ رحمت، دوسرا عشرہ مغفرت اور تیسرا عشرہ جہنم سے نجات کا ہے۔ اس عشرے کی طاق راتوں میں اللہ رب العالمین نے شب قدر کو پوشیدہ رکھا ہے، جس میں ایک رات کی عبادت ہزار مہینوں کی عبادت سے بہتر ہے Importance Last ten days of Ramadan۔
انہوں نے مزید کہا کہ مرد حضرات مسجد میں اعتکاف کریں اور خواتین اپنے گھروں میں اعتکاف کر سکتی ہیں۔ انسان اعتکاف کے دوران مسجد کے حدود میں رہے اور ضروری حاجات کے سوا ایک لمحے کے لیے بھی مسجد کی حدود سے باہر نہ نکلے۔ اعتکاف پر بیٹھنے والا شخص مسجد سے بیت الخلاء جانے کے لیے، وضو کے لیے، اگر کوئی کھانا لانے والا نہ ہو تو کھانا کھانے کے لئے، غسل جنابت کے لئے، اگر معتکف موذن ہے تو اذان دینے کے لئے لیے باہر نکل سکتا ہے۔
