احمدآباد: جماعت اسلامی ہند گجرات کے صدر شکیل احمد راجپوت نے ای ٹی وی بھارت سے بات چیت کرتے ہوئے کئی اہم موضوع پر تبادلہ خیال کیا۔Ruju Ilal Quran Campaign In Ahmedabad
جماعت اسلامی ہند گجرات کے صدر شکیل احمد راجپوت نےکہا کہ قرآن کی ہدایت ہے کہ قرآن مجید کو مضبوطی کے ساتھ پڑھو، اس لئے قرآن مجید سے ہمارا رشتہ مضبوط کرنے کے مقصد سے ہماری جماعت نے رجوع الی القرآن مہم کی شروعات کی ہے ۔
یہ بھی پڑھیں:New President of Congress Party ملکا ارجن کھرگے کانگریس کے نئے صدر منتخب
انہوں نے کہاکہ اس مہم کا اصل مقصد ہے کہ مسلمانوں کو قرآن مجید سے جوڑا جائے اور اسے پڑھنے کی ترغیب دی جائے۔ تلاوت قرآن کو صحیح طریقے سے ادا کرنے کی انہیں تلقین کی جائے۔ قرآن مجید کو سمجھ کر پڑھنے کی طرف توجہ دلائی جائے۔
جماعت اسلامی ہند گجرات کے صدر شکیل احمد راجپوت نے مزید کہا کہ گجرات میں بھی مختلف نوعیت کے پروگرام اس مہم کے تحت منعقد کئے جا رہے ہیں جن میں قرآن مجید کی مختلف پہلوؤں پر ملت کے رہنمائی کے لئے خطبات جمعہ کا اہتمام، قرآن سے رشتہ جوڑو ، کتابچہ، فولڈرز کی تقسیم، ویڈیو کلپس کی تیاری و اشاعت، قرآن کے عنوان پر کوئز کا انعقاد کیا جا رہا ہے.Ruju Ilal Quran Campaign In Ahmedabad
