پولیس نے بتایا کہ آج صبح شہیرا لوناوانا روڈ پر سیکڑوں پیدل مسافر امباجی کی طرف ماں امبا کے درشن کے لیے جارہے تھے، اسی دوران شہیرا گاؤں کے نزدیک تین عقیدت مندوں کو ایک بے قابو کار نے ٹکر ماردی اور وہ شدید طور پر زخمی ہوگئے۔
اس حادثے کے بعد تینوں کو ہسپتال پہنچایا گیا، جہاں ڈاکٹرز نے تینوں کو مردہ قرار دے دیا۔
کار ڈرائیور وڈودرا سے لوناوانا کی سمت جارہا تھا، جسے گرفتار کرلیا گیا ہے۔ ہلاک شدگان کی شناخت داہود کے بھوت پگلا کے رہنے والے اشون کے باریا عمر27، شیلیش ایس باریا عمر 25 اور چندڈی کے رہنے والےکملیش بھائی آر پٹیل عمر19 برس کے طور پر کی گئی ہے۔
واضح رہے کہ یاترا دھام امباجی میں آٹھ سے 14ستمبر تک بھادو پورنما پر لگنے والے میلے اور ماں امباکے درشن کے لیے ریاست بھر سے لاکھوں پیدل مسافر امباجی پہنچتے ہیں۔
