کورونا وائرس کے سبب دنیا بھر کے حالات تشویشناک ہوتے جارہے ہیں، خاص طور سے گجرات میں کورونا وائرس کے کیسز دو لاکھ کے قریب پہنچ گیے ہیں۔ ایسے میں دنیا بھر کو کورونا وائرس سے نجات دلانے کے لیے دیوالی اور نیے سال کے موقع پر احمدآباد کے اولیاء ہند حضرت سید زاہد شاہ بخاریؒ کے دربار میں دعائیں مانگی گئیں۔
اس تعلق سے حضرت سید زاہد شاہ بخاریؒ کے اولاد میں سے ایک عزیز بخاری نے کہا کہ کورونا وائرس کے قہر کے سبب ہر تہوار کو سادگی سے منایا جارہا ہے اور ساتھ ہی ساتھ کورونا سے بڑی تعداد میں لوگ ہلاک بھی ہوتے جا رہے ہیں اور کورونا وائرس ختم بھی نہیں ہورہا ہے۔
اس لیے ہم نے احمدآباد کے وٹوہ علاقے میں موجود حضرت سید زاہد شاہ بخاریؒ کے دربار میں کورونا سے نجات پانے کے لیے دعائیں مانگی۔
مزید پڑھیں:
امریکہ میں 10 لاکھ سے زائد بچے کورونا سے متاثر
سماجی کارکن مفیص احمد انصاری نے کہا کہ نیے سال میں لوگوں کو کورونا وائرس سے نجات ملے اور کورونا سے متاثرین جلد از جلد صحت یاب ہو جائیں۔ ایسی دعائیں حضرت سید زاہد شاہ بخاریؒ کے دربار میں مانگی اور ان کی مزار پر چادر پیش کی۔
