پالیتانہ (گجرات): پیر کو یہاں گجرات اسمبلی انتخابات کے لیے ایک جلسہ عام سے خطاب کرتے ہوئے وزیراعظم نریندر مودی نے کہا، پالیتانہ نے آج اپنا رنگ جما رکھا ہے۔ آج سورت سے آرہا ہوں۔ کل شام سورت میں میری میٹنگ تھی۔ مجھے سورت جانا تھا جو ہوائی اڈے سے تقریباً 30 کلومیٹر دور ہے۔ حیرت تھی کہ سورت کے پورے عوام سڑک پر اتر آئے تھے۔PM Modi Leads Political Procession In Gujarat میں نے وہاں جو منظر دیکھا ہے، میرا قافلہ لوگوں کے سمندر کے بیچوں بیچ کشتی کی طرح جا رہا تھا۔ حیرت انگیز جوش، ولولہ کے مناظر تھے جو دل کو چھو گئے اور آج جب میں یہاں پالیتانہ آیا ہوں تو وہی جوش اور ولولہ دیکھنے کو مل رہا ہے۔ ایسا لگتا ہے کہ بھاؤ نگر، سوراشٹر اور سورت نے ایک ہی ماحول قائم کیا ہے۔
مزید پڑھیں:Gujarat Election 2022 کیا مودی گجرات میں نیا ریکارڈ بنانا چاہتے ہیں؟
انہوں نے کہاکہ یہ انتخاب یہ فیصلہ کرنے کا انتخاب ہے کہ آیا ہمارا گجرات ایک ترقی یافتہ گجرات ہونا چاہیے، ہمارا گجرات خوشحال ہونا چاہیے اور ہمارے گجرات کو نئی بلندیوں کو چھونا چاہیے۔ آزادی کے 75 سال مکمل ہو چکے ہیں۔ اب جو کچھ کرنا ہے 25 سال میں کرنا پڑے گا۔ گجرات کے ووٹر سمجھدار ہیں۔ کچھ ہوں، کاٹھیاواڑ ہوں، جنوبی گجرات ہوں، قبائلی علاقے ہوں، سمندر کے کنارے ہوں، ماہی گیر ہوں، جہاں بھی جا رہا ہوں، مجھے ایک ہی آواز، وہی منتر، ایک بار پھر، ایک بار پھر مودی سرکار سنائی دے رہی ہے۔
وزیر اعظم نے کہا کہ لوگ بار بار بی جے پی کی حکومت لانے کی خواہش رکھتے ہیں کیونکہ یہاں بیٹھے بزرگ جانتے ہیں کہ اس ملک کو تقسیم کرنے کی کس طرح پہلے کوشش کی گئی تھی۔ جب ملک کے اتحاد کی بات آئی تو سردار ولبھ بھائی پٹیل نے ملک کے اتحاد کے لیے ریاستوں کو متحد کرنے کی پہل کی۔ انہیں کامیابی ملی، اس کی وجہ میرا بھاو نگر، میرا مہاراج کرشن کمار سنگھ، میرا گوہیل واڑ ہے،
انہوں نے ملک کے بارے میں سوچا اور ملک کی یکجہتی کے لیے اس راج پاٹ کو ماں بھارتی کے قدموں میں وقف کردیا۔ پورے ہندوستان کو اس آغاز کی پیروی کرنی پڑی جو بھاو نگر شروع ہوئی۔PM Modi Leads Political Procession In Gujarat
