گجرات میں کورونا وائرس کے بڑھتے معاملات کے دوران ایک ایسی ویڈیو سامنے آئی ہے جس سے ثابت ہوتا ہے کہ لوگ اب بھی پولیس انتظامیہ اور حکومت پر مکمل اعتماد کرتے ہیں۔
دراصل اتوار کے روز احمدآباد میں کورونا مریضوں کی بڑھتی ہوئی تعداد کی وجہ سے احمد آباد کے شاہ عالم علاقے میں پولیس نے پیدل مارچ کیا۔
تاہم اس دوران پولیس نے لوگوں کو لوگ ڈاؤن پر عمل کرنے کی ہدایت دی ایسے میں جب پولیس سڑکوں سے گزری تو بالکنی میں کھڑے لوگ تالیاں بجانے لگے اور پھول برسا کر ان کا استقبال کیا۔
کورونا وائرس کی وجہ سےپیدا شدہ بحران کے اس وقت میں جن لوگوں کو وائرس سے بچنے کے لیے گھروں میں رہنے کا مشورہ دیا جارہا ہے ایسی صورتحال میں پولیس اہلکار دن رات لوگوں کے تحفظ کے لیے سرگرم ہیں اور حکومت کے قواعد کو سختی سے نافذ کرنے اور ضرورت مند لوگوں کی مدد کرنے کی کوشش کر رہے ہیں۔
ان حالات میں پولیس اِس کے جذبے کو دیکھ کر لوگوں کا اعتماد ایک بار پھر زندہ ہوگیا ہے اور لوگ پولیس کی بیش بہا خدمات کو سلام کرتے نظر آرہے ہیں۔
دراصل یہ ویڈیو اسی جگہ کی ہے جہاں چند ماہ قبل سی اے اے و این آر سی کے احتجاج کے دوران پتھر بازی کے واقعات سامنے آئے تھے لیکن آج اسی علاقے میں جب پولیس پیٹرولنگ کرتی گزرتی ہے تب ان پولیس اہلکاروں پر پھول برسائے جاتے ہیں۔
پولیس محکمۂ کی جانب سے بھی شاہ عالم علاقے کے لوگوں کی تعریف کی جارہی ہے اور سوشم میڈیا پر اس کا ویڈیو بھی خوب وائرل ہورہا ہے۔
