احمدآباد میں سادگی سے محرم منایا گیا

احمدآباد کے جمال پور میں واقع بڑا امام باڑہ میں آج یوم عاشورہ کے موقع پر مجلس، نوحہ خوانی، عزاداری اور مختلف تقاریب منعقد کیے گیے۔

گجرات کے احمدآباد میں یوم عاشورہ کورونا گائیڈ لائن پر عمل کرتے ہوئے بڑے سادگی کے ساتھ منایا گیا۔

یوم عاشورہ حضرت محمد صل اللہ علیہ وسلم کے نواسے امام حسین رضی اللٰہ عنہ اور ان کے 72 ساتھیوں کے شہادت کی یاد میں منایا جاتا ہے، یوم عاشورہ کا اہتمام احمدآباد میں بھی پوری خلوص کے ساتھ کیا جاتا ہے۔

اس تعلق سے سینٹرل تعزیہ کمیٹی گجرات کے چیئرمین پرویز مومن نے بتایا کہ جمال پور میں واقع بڑا امام باڑہ گجرات کا سب سے قدیم امام باڑہ ہے، آج محرم کے موقع پر ہر سال کی طرح اس سال بھی امام باڑے میں مجلس، نوحہ خوانی، الم مبارک کی سواری، عزاداری اور مختلف تقاریب منعقد کیے گیے۔ لیکن کورونا گائیڈ لائن پر عمل کرتے ہوئے سبھی پروگرام کا اہتمام کیا گیا۔

محرم کے موقع پر ہر سال احمدآباد میں جلوس نکالے جاتے تھے، لیکن اس سال کورونا کے سبب جلوس نہیں نکالے گیے، اس پر عقیدت مندوں نے دکھ کا اظہارِ کرتے ہوئے کہا کہ ہرسال احمدآباد میں بڑے تزک و احترام کے ساتھ تعزیہ کا جلوس نکالا جاتا تھا. لیکن دو سال سے کورونا کے سبب جلوس پر پابندی عائد کردی گئی ہے۔