Gujarat Election 2022 ایم آئی ایم کاؤنسلر سہانہ منصوری پارٹی رکنیت سے مستعفی

سہانہ منصوری نے کہا کہ وہ گزشتہ تین دہائیوں سے لوگوں کی خدمت کر رہی ہیں، مکتم پورہ میں پنچائیت انتخابات بھی انہیں کامیابی ملی تھی، وہ دو مرتبہ کاونسلر بھی رہ چکی ہیں، سب سے پہلے وہ کانگریس سے کاونسلر منتخب ہوئی تھیں، لیکن اس کے بعد مجلس میں شمولیت اختیا رکی، 2021 میں مکتم پورہ سے ایم آئی ایم کی ٹکٹ پر انتخابات میں حصہ لے کر جیت درج کی اور کاؤنسلر منتخب ہوئیں۔Gujarat MIM Councilor Resigns

احمد آباد: گجرات اسمبلی انتخابات کے دن رفتہ رفتہ قریب آرہے ہیں، 5 دسمبر کو ریاست میں اسمبلی انتخابات کے تحت ووٹ ڈالے جائیں گے، ایسے میں آل انڈیا مجلس اتحاد المسلمین کو انتخابات سے قبل سیاسی جھٹکا لگا ہے۔ ایم آئی ایم کی کاؤنسلر سہانہ منصوری نے ویجل پور اسمبلی حلقہ سے ٹکٹ نہ ملنے پر پارٹی سے استعفیٰ دے دیا ہے، سہانہ منصوری نے ای ٹی وی بھارت سے بات چیت میں اس معاملہ پر روشنی ڈالی۔Political loss to MIM ahead of assembly elections

سہانہ منصوری نے کہا کہ وہ گزشتہ تین دہائیوں سے لوگوں کی خدمت کر رہی ہیں، مکتم پورہ میں پنچائیت انتخابات بھی انہیں کامیابی ملی تھی، وہ دو مرتبہ کاونسلر بھی رہ چکی ہیں،سب سے پہلے وہ کانگریس سے کاونسلر منتخب ہوئی تھیں، لیکن اس کے بعد مجلس میں شمولیت اختیا رکی، 2021 میں مکتم پورہ سے ایم آئی ایم کی ٹکٹ پر انتخابات میں حصہ لے کر جیت درج کی اور کاؤنسلر منتخب ہوئیں۔

انہوں نے کہا کہ ایم آئی ایم نے ویجل پورہ اسمبلی حلقہ سے ٹکٹ دینے کے معاملے میں مجھے نظر انداز کرتے ہوئے زینب شیخ نامی خاتون کو میدان میں اتارا ہے، یہ میرے لئے ناانصافی کے مماثل ہے۔ ایم آئی ایم کے ریاست صدر صابر کابلی والا پر الزام عائد کرتے ہوئے کہا کہ انہوں نے مجھے یہ تیقن دلایا تھا کہ وہ اسمبلی انتخابات میں انہیں ٹکٹ دینگے، تاہم انہوں نے مجھے نظر انداز کردیا، اس لئے میں نے ایم آئی ایم سے استعفی دے دیا ہے اور میں نے یہ فیصلہ کیا ہے کہ میں مذکورہ اسمبلی حلقہ سے آزاد امیدوار کے طور پرحصہ لوں گی۔

انہوں نے کہا کہ ویجل پور کے لوگوں نے میرا کام دیکھا ہے، یہاں کے لوگ مجھ پر اعتماد کرتے ہیں، میں نے برسوں سے یہاں کی عوام کے لیے ان کے مسائل کو حل کرنے کے کام کیا ہے اور مجھے امید ہے کہ عوام میرا ساتھ دیگی اور مجھے جتاے گی۔