ریاست گجرات کے شہر احمدآباد میں این ایس یو آئی کے کارکن جب پہلے سے طے شدہ پروگرام کے مطابق شہر کے پالڑی میں واقع پریشد کے دفتر کی گھیرا بندی کر کے احتجاج کے لئے جا رہے تھے تب ہی دونوں فریق آپس میں متصادم ہو گئے ۔ موقع پر پہلے سے ہی پولیس تعینات تھی ۔ اس دوران پتھر بازی بھی ہوئی۔
طلبا نے لاٹھی ڈنڈے سے بھی ایک دوسرے پر حملہ کیا۔ بی جے پی کے یو تھ ونگ کے صدر رتوج پٹیل نے کہا کہ 'دونوں فریقوں میں لڑائی جھگڑا ہو ا ہے اور وہ تشدد کی حمایت نہیں کرتے۔'
ادھر پریشد کے کارکنوں نے الزام عائد کیا کہ 'این ایس یو آئی کے لوگ چھری اور ڈنڈے لے کر مظاہرہ کرنے آئے تھے۔'
مزید پڑھیں: نربھیا کے مجرموں کا فیصلہ آج متوقع
اس دوران این ایس یو آئی کے ایک کارکن نے بتایا کہ 'جب وہ احتجاج کرنے جا رہے تھے تب ہی انہیں پریشد کے لوگوں نے بھگا دیا۔'
پولیس کے ایک افسر نے بتایا کہ 'اب تک کسی کے زخمی ہونے یا پکڑ نے کی اطلاع نہیں ہے۔'
