کووڈ کے دوران جمعیت علماء ہند احمدآباد کی ایمبولینس سروس

کورونا وائرس کے قہر سے حالات تشویشناک ہوتے جا رہے ہیں، جس کا سامنا کرنے کے لیے مختلف تنظیموں نے مختلف اقدامات اٹھائے ہیں۔ ایسے میں جمعت علماء ہند گجرات میں بھی کووڈ سے رونما حالات کا سامنا کرنا کے لیے مختلف خدمات کا آغاز کیا گیا ہے۔ جس میں خاص طور سے جمعیت علماء ہند احمدآباد کی جانب سے ہے ایک مفت ایمبولینس کی خدمات شروع کی گئی ہے، جو کورونا مریضوں اور ضرورت مندوں کے لیے مفت میں چلائی جا رہی ہے۔

اس تعلق سے جمعت علماء ہند گجرات کے سیکرٹری اسلم قریشی کا کہنا ہے کہ کورونا وائرس کی وبا جیسے آئی ویسے ہی جمعت علماء ہند گجرات کے جنرل سیکریٹری نثار احمد انصاری اور گجرات کے تمام اضلاع کے کارکنان کو اطلاع دی کہ تمام تکلیف زدہ لوگوں تک پہنچیں اور ان کی مدد کریں۔

انہوں نے مزید کہا کہ اسی دوران جب کورونا وائرس کا قہر بڑھنے لگا اور ایمبولینس کی کمی بھی درپیش آنے لگی ویسے ہی جمعت علماء ہند احمدآباد نے ایک ایمبولینس کی خدمات شروع کی۔

اس ایمبولینس کے ذریعے کووڈ مریضوں اور ضرورت مندوں کو ہاسپیٹل پہنچایا جاتا ہے۔ کنسلٹنٹنگ ڈاکٹر کو بتا کر ان انہیں واپس ان کے گھر تک پہنچایا جاتا ہے۔ میت لے جانے کے لیے بھی ایمبولینس تیار ہے۔

احمدآباد کی مختلف اسپتالوں کے لیے بھی ہماری ایمبولینس شروع کی جائے گی اور کسی بھی ضرورت مند کے لیے ہماری ایمبولینس کی خدمات مفت میں دی جا رہی ہے۔

انہوں نے مزید کہا کہ جمعت علماء ہند احمدآباد کی جانب سے ایک کووڈ سینٹر رامول میں قائم کرنے کے لیے ہم نے احمدآباد میونسپل کمشنر سے اجازت مانگی ہے، جیسے ہی اجازت مل جائے گی، ہم رامول کے مدنی نگر میں فوراً کووڈ سینٹر شروع کردیں گے۔ اس کے علاوہ جمعت علماء کے کارکن احمدآباد میں اپنے اپنے علاقوں میں تکلیف زدہ لوگوں کو اناج کی کٹ اور روپے دے کر بھی امداد پہنچا رہے ہیں۔