احمدآباد: گجرات کے احمدآباد کی عائشہ عارف خان نے 25 فروری 2021 کو سابرمتی ندی میں چھلانگ لگا کر خود کشی کرلی تھی، اس معاملے پر آج احمدآباد کی خصوصی عدالت سماعت کرتے ہوئے معاملے کی قصوروار عارف خان کو 10 سال کی سزا سنائی۔ Ayesha suicide case
اطلاعات کے مطابق عائشہ نے خود کشی کرنے سے پہلے ایک ویڈیو اپنے شوہر عارف خان کو بھیجی تھی جس میں عائشہ نے کہا تھا کہ اے پیاری سی ندی مجھے اپنی آغوش لے لے۔ میں ہواؤں کی طرح ہوں، بس بہتے رہنا چاہتی ہوں۔ دعاؤں میں یاد رکھنا، پتا نہیں جنت ملیں نہ ملیں۔ اس دوران عائشہ نے مرنے سے قبل اپنے شوہر سے 72 منٹ فون پر بات بھی کی تھی۔
انہوں نے کہا کہ کورٹ سے ہماری بہت امید تھی اور کورٹ میں یہ کیس 13 مہینے چلا۔ آج کورٹ نے اسے 10 سال کی سزا دی جو بہتر سزا ہے۔ اب ہماری بیٹی تو واپس نہیں آئے گی لیکن اس فیصلے سے ہمارے دل کو سکون ملا ہے۔ انہوں نے تمام بیٹیوں کو یہ پیغام دیا کہ تم خود کشی مت کرنا، اپنے حق کے لیے لڑنا۔ عائشہ تو مجبور ہوگئی تھی آپ مجبور مت ہونا۔
