گجرات میں آئندہ چار دنوں تک تیز بارش کا امکان

محکمۂ موسمیات کی جانب سے آئندہ پانچ دنوں تک گجرات میں تیز بارش کے امکانات کے درمیان ریاست کی 70 تحصیلوں میں بارش شروع ہوچکی ہے۔

گجرات میں محکمۂ موسمیات نے ایک بار پھر ریاست میں موسلادھار بارش کا امکان ظاہر کیا ہے۔ محکمۂ موسمیات کے مطابق گجرات میں 8 ستمبر سے بارش شروع ہونے کا امکان ہے۔ جنوبی، وسطی، شمالی گجرات اور سوراشٹر کے کچھ حصوں میں موسلادھار بارش ہوسکتی ہے جس کی وجہ سے جنوبی گجرات کے ماہی گیروں کو اگلے دو دن تک سمندر میں نہ جانے کا مشورہ دیا گیا ہے۔ ساتھ ہی این ڈی آر ایف کی 7 ٹیموں کو بھاری بارش کی پیش گوئی کے حوالے سے اسٹینڈ بائی پر رکھا گیا ہے۔


محکمۂ موسمیات کی جانب سے آئندہ پانچ دنوں تک گجرات میں اچھی بارش کی امکانات کے درمیان گجرات کی 70 تحصیلوں میں بارش شروع ہوچکی ہے۔ جنوبی گجرات اور سوراشٹر میں پیر کو سب سے زیادہ بارش ہوئی ہے تاہم سورت میں سب سے زیادہ ساڑھے تین انچ بارش درج کی گئی۔

اس کے ساتھ ہی این ڈی آر ایف کی 8 ٹیمیں ان علاقوں میں بھیجی گئی ہیں جہاں شدید بارش کا امکان ہے، جن میں جنوبی گجرات کے شوراشٹر، کچھ، گیر سومناتھ، پور بندر، جوناگڑھ، راجکوٹ کے علاوہ این ڈی آر ایف کی ٹیمیں نوساری، ولساڑ، سورت میں بھی بھیجی گئی ہیں۔ اس کے علاوہ این ڈی آر ایف کی 7 ٹیموں کو اسٹینڈ بائی پر رکھا گیا ہے۔


گجرات میں اگلے 5 دنوں تک موسلا دھار بارش کے امکانات کے درمیان پیر کے روز انتہائی گرمی کے بعد دوپہر سے تیز بارش شروع ہوئی۔ بارش ہونے سے لوگوں کو گرمی سے کچھ راحت ملی ہے۔