ریاست گجرات میں حکومت کی تشویش میں اس وقت زیادہ اضافہ ہوگیا جب کورونا وائرس نے خوفناک شکل اختیار کرلی۔ جہاں اب روزانہ کی بنیاد پر 10 ہزار سے زیادہ کورونا کیسز سامنے آرہے ہیں۔ جہاں ایک جانب کورونا کیسز بڑھ رہے ہیں تو دوسری جانب اس کورونا سے صحت یاب ہونے والے مریضوں کی تعداد میں بھی کچھ حد تک اضافہ ہورہا ہے۔
ریاست گجرات میں کورونا کی خطرناکی کا اندازہ اس بات سے لگایا جاسکتا ہے کہ ریاست میں اب تک کورونا سے مرنے والوں کی کل تعداد 5000کو تجاوز کر چکی ہے، گجرات میں گزشتہ 24 گھنٹوں کے دوران کورونا سے 110 افراد ہلاک ہوئے ہیں، جس کے سبب کورونا سے ہلاک ہونے والوں کی تعداد بڑھ کر 5377 ہو گئی ہے۔ علاوہ ازیں وہیں 24 گھنٹوں کے دوران کورونا وائرس کے 10340 نئے معاملے بھی سامنے آئے ہیں۔
ریاست میں کورونا کو شکست دے کر اپنے گھر جانے والوں کی کل تعداد 3 لاکھ 37 ہزار 445 پر پہنچ گئی ہے۔ تاہم گزشتہ 24 گھنٹوں کے دوران 3981 افراد کو اسپتال سے ڈسچارج بھی کیا گیا ہے۔
واضح رہے کہ موجودہ وقت میں گجرات میں کورونا وائرس کے ایکٹیو مریضوں کی جملہ تعداد 61 ہزار 647 ہے، جس میں سے جہاں 329 مریض وینٹی لیٹر پر ہیں، وہیں 61 ہزار 318 افراد کی حالت مستحکم بھی ہوئی ہے۔
محکمہ صحت گجرات کے مطابق گزشتہ 24گھنٹوں میں احمدآباد میں 3641، سورت میں 1929، وڈودرا میں 325، گاندھی نگر میں 79، بھاونگر میں 114، بناس کانٹھا میں 112، راجکوٹ میں 683، سریندر نگر میں 92، پاٹن میں 158، امریلی میں 98، جام نگر میں 234، مہسانہ میں 389، جب کہ کچھ میں کورونا وائرس کے 94 نئے معاملے درج ہوئے ہیں۔
